Запознајте ги нашите наставници

stars

Ема Попивода

Ема Попивода е основач на Модоарс Пиано Академија и меѓународно призната концертна пијанистка со настапи на сцени низ целиот свет. Таа е професор по пијано на Музичката академија при УГД и активен изведувач, чија кариера опфаќа солистички и камерни ангажмани на бројни престижни фестивали и концертни сали во Европа, како и во Јапонија и САД.

Со повеќе од 25 години искуство во работа со деца, Ема ја гради својата педагошка филозофија врз практична и современа методологија, која ја применува во наставните програми на Училиштето по пијано Модоарс. Автор е на 5 сопствени методски пијано книги, создадени заедно со нејзината мајка Вивијан, додека илустрациите се дело на нејзиниот брат Саше.

Нејзиното богато меѓународно искуство и уметничка кариера директно се рефлектираат во наставата, како и во обуката и развојот на наставниот кадар во Академијата. Користејќи ги сите придобивки на модерното време, Ема успешно го поврзува светот на концертната сцена со едукацијата на младите пијанисти.

Саше Потевски

Саше Потевски потекнува од музичко семејство и е опкружен со музика уште од најмала возраст. Покрај пијано, свири и електричен бас и има активно искуство како член на повеќе бендови. Тој е значаен дел од креирањето на наставната програма по солфеж, теорија и историја на музиката, при што има изработено вкупно пет работни тетратки по солфеж по кои работат нашите ученици.

Со својата дружељубива природа, позитивна енергија и смисла за хумор, Саше е омилен наставник меѓу учениците. Неговиот шарм и работна посветеност се дел од препознатливиот дух на нашата академија.

workspace_premium

Леонид Петрески

Леонид Петрески е роден во Скопје, а музичкото образование го започнува на шестгодишна возраст во ДМБУЦ „Илија Николовски-Луј“. Од најрана возраст настапува на сцена и освојува бројни награди на пијанистички натпревари во Македонија и во странство. Дипломира на Факултетот за музичка уметност во Скопје како еден од најдобрите студенти на својата генерација, со просек 9.9. Во Модоарс Пиано Академија работи од самите почетоци и е препознатлив по својата посветеност, ненаметлив стил на работа и близок пристап со учениците. Неговите ученици редовно освојуваат награди на натпревари во Македонија и Италија, а дел од нив се добитници и на специјални гран-при награди и пехар.

edit

Сара Сиљановска

Сара Сиљановска ги завршува своите студии на Факултетот за музичка уметност, со насока теорија на музиката, каде активно изучува и пијано, а во моментот учи и композиција. Таа е амбициозна и посветена педагошка личност која се стреми кон работа до перфекција, истовремено негувајќи топол и пријателски однос со своите ученици. Резултат на нејзината работа се повеќе од 40 наградени ученици на државни и меѓународни натпревари во Скопје, Штип, Битола, како и на натпреварот во Сан Дона ди Пиаве во Италија. Покрај педагошката работа, Сара е и автор на сопствени композиции за пијано, како и композиции за други инструменти и музички состави. Нејзините дела се изведувани во Македонија и во странство, што ја потврдува нејзината активна улога како современ музички творец.

favorite

Исидора Ангелеска

Исидора Ангелеска е апсолвент пијанист на Факултетот за музичка уметност во Скопје и активен музички педагог со долгогодишно искуство во работа со млади пијанисти. Како изведувач, таа има одржано солистички концерти во повеќе градови низ Македонија, како и настапи во Италија и Швајцарија. Во Модоарс Пиано Академија го води одделот во населбата Аеродром, каде што нејзината класа е препознатлива по големиот број талентирани и вредни ученици кои редовно настапуваат на концерти и освојуваат награди на домашни и меѓународни натпревари. Исидора има модерен и креативен пристап, поради што учениците ја обожаваат.

piano

Бојан Димитровски

Бојан Димитровски е дипломиран пијанист на Факултетот за музичка уметност во Скопје, каде што моментално ги продолжува своите студии по композиција. Покрај својата педагошка работа, тој е активен музичар и редовно настапува како солист и камерен изведувач. Посебно место во неговата уметничка дејност има соработката со Камерниот оркестар на Битола, каде што настапува како дел од ансамблот. Во Модоарс Пиано Академија е препознатлив по својот смирен, посветен и мотивирачки пристап кон учениците, како и по неговата креативност во изборот и адаптацијата на современи и филмски композиции за пијано, со што наставата ја прави уште поинтересна и инспиративна. Неговите ученици постигнуваат одлични резултати на натпревари, а една од неговите ученички е меѓу најнаградуваните во Академијата, со освоени високи први награди на натпревари во Македонија и Италија.